公屋裝修陷阱｜裝修師傅爆3大隱形收費 報價單1句必刪否則變水魚

【公屋／公屋裝修限制／價錢】「公屋」輪候多年成功「上樓」，不少人會花費積蓄裝修出「安樂窩」，但要小心「隱形收費陷阱」免當「水魚」。1名有15年經驗的裝修師傅於Threads發帖文，列出3類最常見的「隱形收費」，包括「拆牆/清拆『偷面積』收費」和「泥水『找平/補縫』二次加價」等，直指「公屋、居屋，師傅最鍾意喺呢啲位『抽水』，陰濕到出晒面！唔好再俾人呃到懵盛盛！」。

帖交引來網民熱議，感謝樓主裝修貼士，並分享離譜裝修經歷，「以前裝修個studio，開頭講好晒價錢，最後又話呢樣又話嗰樣，要多收多2萬左右」、「識得人俾裝修師傅裝修咗間屋半年，唔係豪宅，完全係普通到唔普通，係咁拖時間」，感嘆「香港裝修貴到死，但就冇一套標準做出來畀人參考或跟下」。不過亦有自稱裝修師傅認為收費並非不合理。

有15年經驗的裝修師傅於Threads發帖文，列出3類最常見的公屋裝修「隱形收費」。（非涉事公屋單位／資料圖片）

「做咗香港裝修15年，見過唔少業主俾人呃到喊出嚟！」

該名資深裝修師傅於Threads發布帖文

，分享3類常見「最得人驚的隱形收費」，包括「拆牆/清拆『偷面積』收費」、「泥水『找平/補縫』二次加價」、「水電『走線繞路+加位』瘋狂抽水」，直言細單位、公屋及居屋都是高危，「尤其細單位、公屋、居屋，師傅最鍾意喺呢啲位『抽水』，陰濕到出晒面！唔好再俾人呃到懵盛盛！」。

一般公屋住戶裝修時，可能會清拆部份項目，待交回單位時還原。不過樓主指出，如果報價單寫上「清拆全屋」，實際只是拆除表面，其他東西隨時要加數千元，「入面啲嘢完全唔理！牆身批盪、地腳線、舊瓷磚底嘅水泥層，轉頭就話係『額外工程』，要額外加錢！細單位拆到見紅磚，分分鐘加你$3000-$4800，呃你冇商量，真係好離譜！」。

樓主提醒，報價單一定要寫明「清拆至結構層、包清走所有垃圾」，否則不要接受。

裝修公屋要注意。（非涉事公屋單位／資料圖片）

樓主表示，公屋舊牆本來就多裂縫，但有些裝修師傳會在貼磚前先訛稱「地面不平」、「牆身空鼓」，需要「額外找平」或「掛網補縫」，直指「其實淨係想抽水！每尺加$70-$110，同搶錢冇分別！呢啲明明係基礎工序，偏要拆出來單獨收費，真係無恥到出晒面！」。

他建議報價單一定要寫明「泥水含找平、掛網、空鼓修復」，如果有「拆項加價」，就要拒絕。

樓主稱，報價單寫的「全屋水電改造」，可能實際只走明線、走短距離，以節省材料及工序，若想增加插頭、移動燈位、走暗線等，就會「額外計價」，「1個插蘇/燈位加$500-$700，全屋加10個位，直接多咗$5000-$7000，真係頂唔順呢啲黐線操作！抽水抽到盡，冇良心！」。

他建議戶主要先畫好全屋水電圖，報價單列明「所有點位、明/暗線、開槽全包」才接受。

裝修公屋要注意。（非涉事公屋單位／資料圖片）

樓主最後強調，報價單愈詳細愈好，模糊字眼例如「含基礎工程」必須全部劃走，也不要相信口頭承諾，「香港裝修水真係深到冇底，好多『平價師傅』根本唔靠手工賺錢，淨係靠隱形收費呃人！所有嘢都要寫低簽名，先至有保障，唔好俾人呃到喊出嚟！」。

樓主提醒，報價單愈詳細愈好，模糊字眼例如「含基礎工程」必須全部劃走。（非涉事公屋單位／資料圖片）

網民看過帖文議論紛紛，有人感謝樓主裝修貼士，並分享離譜裝修經歷，「以前裝修個studio開頭講好晒價錢，最後又話呢樣又話嗰樣，要多收多2萬左右」、「識得人俾裝修師傅裝修咗間屋半年，唔係豪宅，完全係普通到唔普通，係咁拖時間，咁呢啲有咩解決方法呢？」、「香港裝修貴到死，但就冇一套標準做出來畀人參考或跟下」。

然而亦有自稱裝修師傅認為收費並非不合理，「同最低工資一樣，設立咗就係『最平』就唔係『參考價』，仲有裝修都係手工嘢，工藝真係好難用價錢做標準」、「（插）蘇位 500-700 叫黐線操作？唔好亂講」。

不過要提提大家，公屋裝修要遵守規定不可隨意亂拆，交回單位時也要還原裝修部份，價錢隨時數以萬元計算，故裝修前應小心考慮。

根據房署資料，如租戶曾進行裝修或改裝工程，退回時必須自費還原，包括所有固定裝置及設備恢復原狀、拆除加建的固定裝置及設備、清走所有家具、雜物及垃圾。（資料圖片）有公屋住戶分享還原價目表，當中列出多項收費。（fb群組「香港公營房屋討論區(FB版) 公屋 居屋 綠置居 租置 房協 裝修 傢俬 平面圖 裕泰苑 海達邨 白田邨 彩和樓 啟鑽苑 斑蝶樓 恒景樓 皇后山邨」圖片）有公屋住戶分享還原價目表，當中列出多項收費。（fb群組「香港公營房屋討論區(FB版) 公屋 居屋 綠置居 租置 房協 裝修 傢俬 平面圖 裕泰苑 海達邨 白田邨 彩和樓 啟鑽苑 斑蝶樓 恒景樓 皇后山邨」圖片）有公屋住戶分享還原價目表，當中列出多項收費。（fb群組「香港公營房屋討論區(FB版) 公屋 居屋 綠置居 租置 房協 裝修 傢俬 平面圖 裕泰苑 海達邨 白田邨 彩和樓 啟鑽苑 斑蝶樓 恒景樓 皇后山邨」圖片）有公屋住戶分享還原價目表，當中列出多項收費。（fb群組「香港公營房屋討論區(FB版) 公屋 居屋 綠置居 租置 房協 裝修 傢俬 平面圖 裕泰苑 海達邨 白田邨 彩和樓 啟鑽苑 斑蝶樓 恒景樓 皇后山邨」圖片）有公屋住戶分享還原價目表，當中列出多項收費。（fb群組「香港公營房屋討論區(FB版) 公屋 居屋 綠置居 租置 房協 裝修 傢俬 平面圖 裕泰苑 海達邨 白田邨 彩和樓 啟鑽苑 斑蝶樓 恒景樓 皇后山邨」圖片）

早前有公屋住戶分享公屋還原價目表，當中列出多項收費，主要分成「必須由房署拆除或還原」及「戶主可自己還原」兩類，其中較貴的包括還原實心廚房門叫價逾4,200元、更換廁所面板連洗水面盆及配件要逾6,200元。

據房署資料，公屋租戶未經署方書面同意，不得在單位安裝任何固定裝置、間隔或其他架設，亦不可拆除單位內的原有固定裝置或設備，公屋固定裝置分類甲、乙、丙，供租戶分辨公屋單位的固定裝置能否改換或清拆，如租戶曾進行裝修或改裝工程，退回時必須自費還原，包括所有固定裝置及設備恢復原狀、拆除加建的固定裝置及設備、清走所有家具、雜物及垃圾。

公屋固定裝置分類甲、乙、丙，供租戶分辨公屋單位的固定裝置能否改換或清拆。（房屋署）

現時公屋戶遷出，房委會派人勘察，以評估及決定可保留、維修或更新的項目。如租戶自行安裝的裝置狀況良好，例如廚房掛牆碗櫃、浴室座廁等，一般會容許保留毋須還原，供新租戶使用。如新租戶希望保留加裝的設施，日後需自行承擔該裝置的維修保養責任。

（Threads@victor_lin88）